Ana səhifə Planet |
2022.01.27. 18:51
Qırğızıstan və Tacikistan sərhədçiləri arasında silahlı atışma başlayıb.
Axar.az xəbər verir ki, bu barədə Qırğızıstanın dövlət sərhəd xidməti məlumat yayıb.
***
Qırğızıstan və Tacikistan sərhəd ərazilərə xeyli sayda ordu, milis və təhlükəsizlik qüvvələri cəlb edilib.
Bu barədə rəsmi Düşənbənin məlumatında deyilir.
Sərhəddə toqquşma zamanı yaralıların olduğu bildirilib.
Hazırda da şiddətli atışmalar davam edir.
***
Qırğızıstan-Tacikistan sərhədində atışma dayanıb.
Bu barədə “Sputnik Qırğızıstan” məlumat yayıb.
Atışmaya səbəb kimi Tacikistan hərbçilərinin İsfan-Batken yolunu bağlaması olub.
***
Silahlı atışmalar zamanı 1 nəfər ölüb, 6 nəfər isə xəsarət alıb.
Onların hamısı Tacikistan vətəndaşlarıdır.
***
Qırğızıstan-Tacikistan sərhədində silahlı atışma yenidən başlanıb.
***
Qarşıdurma zamanı hər iki tərəfdən ümumilikdə 17 nəfər yaralanıb.
Onlardan 11-i Tacikistan, 6-ı isə Qırğızıstan vətəndaşıdır.
***
Qırğızıstan və Tacikistan nümayəndələri arasında atəşin dayandırılması ilə bağlı danışıqlar baş tutmayıb.
Bu barədə Qırğızıstan Milli Təhlükəsizlik Dövlət Komitəsinin Sərhəd Xidməti məlumat yayıb.
Məlumata görə, hazırda Koço-Boyu və Dahma bölgələrində tərəflər arasında toqquşmalar davam edir.
***
Silahlı insidentdən dolayı Qırğızıstanın Batken, Tacikistanın isə Soqdi vilayətinin qubernatorları arasında danışıqlar başlayıb.
Danışıqların Batken vilayətinin Kak-Say rayonunda baş tutduğu bildirilib.
Tarix
2022.01.28 / 00:52
|
Müəllif
Axar.az
|