Pentaqon rəhbəri Lloyd Ostin və Almaniya müdafiə naziri Kristina Lambrext arasında telefon danışığı baş tutub.

Axar.az xəbər verir ki, bu barədə Pentaqonun mətbuat katibi Con Kirbi deyib.

Tərəflər Ukraynadakı vəziyyət fonunda Rusiya ilə diplomatik əlaqələri müzakirə ediblər.

“Ostin və Lambrext Rusiyanın Ukrayna sərhədində səbəbsiz hərbi güclənməsindən yaranan narahatlıqları müzakirə ediblər. Hər iki nazir Ukraynanın ərazi bütövlüyü və suverenliyinə dəstəyini bir daha ifadə edib”, - deyə Kirbi bildirib.