Ukraynalı balıqçılar rus sərhədçiləri tərəfindən Qara dənizdə saxlanılıb.

Axar.az xəbər verir ki, bu barədə Ukrayna Ombudsmanı Lüdmila Denisova bildirib.

O qeyd edib ki, hadisə 25 yanvarda baş verib:

“İki ukraynalı balıqçı Qara dənizə “Volqa” qayığı ilə balıq tutmağa gedib və geri qayıtmayıb. Təsdiqlənmiş məlumata görə, mühərrik xarab olub və onları rus sərhədçiləri həbs edərək, müvəqqəti işğal altında olan Krıma aparıb. Rusiya bu həbslə bağlı Ukraynanı məlumatlandırmayıb”.

Ukrayna hüquq-mühafizə orqanları hadisə ilə bağlı cinayət işi qaldırıb.

Denisova rusiyalı həmkarı Tatyana Moskalkovadan balıqçıların azad edilməsinə yardım göstərməsini xahiş edib.