ABŞ müttəfiqləri ilə birlikdə Yaxın Şərqdə irimiqyaslı beynəlxalq hərbi dəniz təlimlərinə başlayıb.

Axar.az xəbər verir ki, bu barədə ABŞ Hərbi Dəniz Qüvvələrinin 5-ci donanması məlumat yayıb.

Yanvarın 31-də başlayan və 60 ölkə və beynəlxalq təşkilatın qatıldığı İMX/CE-2022 adlı təlimlərdə 9 min şəxsi heyət və 50 gəmi iştirak edir.

Bundan başqa təlimlərə 10 ölkənin 80-dən artıq PUA-sı da qatılacaq.

Təlimlərin məqsədi müxtəlif ssenardə pilotsuz sistemlərin, süni intellektin sınaqdan keçirilməsi və əldə edilmiş təcrübələrin gələcək hərbi əməliyyatlarda tətbiqidir.

Hərbi dəniz qüvvələri BƏƏ, Misir, Keniya və Omanın rəhbərlik etdiyi 4 qrupa bölünüb. Təlimlər Ərəbistan körfəzi, Ərəbistan dənizi, Oman körfəzi, Qırmızı dəniz və Hind okeanının şimal hissəsində keçirilir.

Təlimlər fevralın 17-nə kimi davam edəcək.