Macarıstan Avropa Birliyinin şərq sərhədindəki münaqişənin sülh yolu ilə həllində maraqlıdır və Avropada Soyuq müharibə dövrünün geri qayıtmayacağına ümid edir.

Axar.az xəbər verir ki, bu sözləri Macarıstanın xarici işlər və ticarət naziri Peter Siyarto deyib.

“AB-nin şərq sərhədində gərginlik var, Macarıstan bu problemin həllində maraqlıdır, biz Şərqlə Qərb arasında dialoqda maraqlıyıq. Bu zonaya nə qədər uzaq və ya yaxın olmağımızın fərqi yoxdur, Macarıstan müharibəyə başlamaq istəmir. Soyuq müharibə dövrü macarlar üçün pis keçdi, bu müddətdə mərkəzi Avropa zonası çox əziyyət çəkdi, istəmirik qayıtsın”, - Siyarto bildirib.