Belarus Prezidenti Aleksandr Lukaşenko rusiyalı həmkarı Vladimir Putinlə keçən sərt söhbətindən danışıb.

Axar.az xəbər verir ki, Lukaşenko Belarusdakı iğtişaşlar zamanı saxlanılan 33 rusiyalı ilə bağlı Putinlə 3 dəfə telefon danışığı apardığını və söhbətin çox sərt məcrada keçdiyini vurğulayıb.

"Biz bu adamları saxlayanda FSB materialları tam şəkildə təhvil verdi. Mən Putinlə söhbət etdim - çox sərt danışıq oldu. Ruslar bizə orada hansısa "köstəbək" olduğunu demədilər. Biz özümüz araşdırma apardıq”, - Lukaşenko söyləyib.

Onun sözlərinə görə, bir neçə gün və ya bir həftə sonra hər şey yoluna düşüb.

Qeyd edək ki, 2020-ci ilin iyul ayında Belarus hakimiyyəti 33 rusiyalının saxlanıldığını bildirib. Belarus İstintaq Komitəsi onların respublikada kütləvi iğtişaşlar hazırlamaqda şübhəli bilindiyini açıqlamışdı.