Ötən il Şimali Koreya hakerləri milyonlarla dollar dəyərində kriptovalyuta oğurlayıblar. Belə kiberhücumlar Pxenyanın nüvə və raket proqramının maliyyə mənbəyinə çevrilib.

Axar.az xəbər verir ki, bu barədə BMT-nin məlumatında deyilir.

Məlumata görə, Şimali Koreya üçün xüsusən kriptovalyuta aktivlərinə edilən kiberhücumlar mühüm gəlir mənbəyi olaraq qalır. 2020-ci ildən 2021-ci ilin ortalarına qədər kiberhücumçular 50 milyon dollar dəyərində rəqəmsal aktivləri oğurlayıblar. Kiberhücumlar Şimali Amerika, Avropa və Asiyada ən azı üç kriptovalyuta birjasını hədəf alıb.

Məlumatlar BMT-nin sanksiyalar komitəsinə göndərilib.