Rusiya Ukraynanı ələ keçirməkdə maraqlı deyil. O, ilk növbədə təhlükəsizlik məsələlərini həll etmək üçün danışıqlara can atır.

Axar.az xəbər verir ki, bu açıqlama ilə Avropa Birliyinin baş diplomatı Jozep Borrell çıxış edib.

“Məqsəd Ukraynanı işğal etmək deyil. Rusiya üçün mühüm məsələ - NATO-nun genişlənməsi və mövcud təhlükəsizlik problemlərini müzakirə etmək üçün danışıqlara nail olmaqdır”, - Borrell söyləyib.

O izah edib ki, Rusiya üçün vacib olan Ukrayna deyil, Avropada yeni təhlükəsizlik arxitekturasıdır:

“Hesab edirəm ki, Rusiya üçün Ukrayna deyil, Avropanın yeni təhlükəsizlik arxitekturası önəmlidir. Rusiyanın təhlükəsizlik narahatlığı və bu haqda danışmaq istəyi var, ona görə də Ukraynaya təzyiq edir”.