Gürcüstanın eks-prezidenti Mixail Saakaşvilinin "Pencəklər işi" ilə bağlı növbəti məhkəmə prosesi 1 mart tarixinə təyin olunub.

Axar.az xəbər verir ki, bu qərarı Tiflis Şəhər Məhkəməsinin hakimi Badri Qoclamazaşvili verib.

Hakimin qərarına əsasən, növbəti məhkəmə iclası mart ayının 1-də, saat 11:00-da keçiriləcək.

Qeyd edək ki, hakim bugünkü məhkəmə prosesi zamanı Saakaşvilinin sağlamlığını qorumaq, ona təhlükə yaratmamaq üçün Penitensiar Xidmətin direktoruna səlahiyyətləri daxilində bütün lazımi tədbirləri görməyi və eyni zamanda ehtiyac yarandığı halda, gərəkli tibbi yardımın göstərilməsi tapşırığını verib.