İttifaq Dövləti hamı üçün açıqdır.

Axar.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova Belarus lideri Aleksandr Lukaşenkonun açıqlamasını şərh edərkən bildirib.

Zaxarova söyləyib ki, Lukaşenko İttifaq Dövlətindən danışmayıb, təhlükəsizlik, iqtisadiyyat və s. sahədə mümkün inteqrasiya prosesləri və birlikləri haqqında söz açıb.

Onun sözlərinə görə, bu, Lukaşenkonun öz baxışıdır.

Qeyd edək ki, Belarsu Prezidenti Aleksandr Lukaşenko Vladimir Solovyovun Yutub kanalına müsahibəsində keçmiş sovet respublikalarının əksəriyyətinin İttifaq Dövlətinə qoşula biləcəyini deyib.