Rusiya Ukraynaya hücum etsə, Suriya da daxil olmaqla, Yaxın Şərqdə daha geniş qeyri-sabitliyə gətirib çıxaracaq.

Axar.az xəbər veir ki, bu barədə amerikalı general Erik Kurilla Senatda dinləmələr zamanı çıxışında deyib.

General bildirib ki, Çin ABŞ Mərkəzi Komandanlığının (CENTCOM) təsir zonasında, o cümlədən ABŞ-ın Əfqanıstandakı ekstremist fəaliyyətlə bağlı kəşfiyyat məlumatı toplaması lazım olan ölkələrdə öz gücünü və xərclərini artırır:

“Birləşmiş Ştatlar Çin və Rusiya ilə bir coğrafi regiondan kənara çıxan və Mərkəzi Komandanlığın məsuliyyət zonasına qədər uzanan yeni strateji rəqabət dövrü ilə üz-üzədir. ABŞ haqlı olaraq Çinlə rəqabətə üstünlük verdiyi üçün biz Yaxın Şərq, Mərkəzi və Cənubi Asiya ilə əlaqələrimizi davam etdirməliyik”.