Böyük Britaniyanın xarici işlər naziri Liz Trass Rostov və Voronejdən danışarkən söhbətin Ukraynadan getdiyini düşünüb.

Axar.az xəbər verir ki, bu barədə Britaniyanın Rusiyadakı səfirliyinin Teleqram kanalında məlumat yayılıb.

“Liz Trass artıq bu məsələni bu gün axşam müzakirə edib. O deyib: "Görüş zamanı mənə elə gəldi ki, Lavrov Ukrayna ərazisindən danışır. Dəqiq şəkildə ifadə etdim ki, sözügedən vilayətlər Rusiyanın suveren ərazisidir”, - deyə bildirilib.

Qeyd edək ki, bundan öncə L.Trassın Lavrovla görüşdə Rusiyanın Rostov və Voronej bölgələrindəki suverenliyini tanımadığını söyləməsi barədə məlumat yayılmışdı.