Britaniya xarici işlər naziri Liz Trassın tarix və coğrafiya ilə bağlı yanlış açıqlaması dil sürüşməsi deyil, mövzudan bixəbər olmanın nəticəsidir.

Axar.az xəbər verir ki, bu sözləri rusiyalı senator Aleksey Puşkov Teleqram kanalında yazıb.

“Uzun tarixi boyunca gah monqol, gah da tatarlarla savaşmış “Böyük Ukrayna” haqqında Trassın səs-küylü açıqlaması nə dil sürüşməsi, nə də uğursuz çıxışdır, daha dərin bir şeydir. Yumşaq desək, movzudan bixəbər olmaqdır”, - deyə Puşkov bildirib.

Qeyd edək ki, L.Trass rusiyalı həmkarı Sergey Lavrovla görüşü zamanı Voronej və Rostov vilayətlərində Rusiyanın suveren hüquqlarını tanımadığını açıqlamışdı. Lakin sonradan o ərazilərin Ukraynaya bir aidiyyəti olmadığını başa düşərək, öz səhvini etiraf etmişdi.