Bəzi səfirliklərin Kiyevdən Qərbi Ukraynaya köçmək qərarı səhvdir.

Axar.az xəbər verir ki, bunu Ukrayna Prezidenti Vladimir Zelenski deyib.

“Bu, onların qərarıdır, lakin Qərbi Ukraynaya köçmək böyük səhvdir. Çünki Qərbi Ukrayna yoxdur, Ukrayna var, bütövdür. Ona görə də, Allah eləməsin, bir şey olsa, hər yerdə olacaq”, - Zelenski qeyd edib.

Qeyd edək ki, daha öncə bir sıra ölkələrin hakimiyyət orqanları təhlükəsizlik maraqları naminə öz vətəndaşlarını Ukraynanı tərk etməyə çağırıb. Bundan əlavə, bəzi Qərb diplomatik missiyalarının əməkdaşları və onların ailə üzvləri bu ölkədən təxliyə edilib. Bir çox ölkə isə səfirliklərini Lvova - Polşa ilə sərhədə köçürüb.