Gürcüstan Prezidenti Salome Zurabişvili parlamentin 3 deputatın mandatının ləğvi barədə qərarı ilə razılaşmayıb.

Axar.az xəbər verir ki, dövlət başçısı bu barədə Feysbuk səhifəsində yazıb.

“Daxili və xarici çağırışlardan irəli gələrək, parlament deputatlarının səlahiyyətlərinə xitam verilməsi ilə razılaşmıram”, - deyə Zurabişvili bildirib.

Qeyd edək ki, Gürcüstan parlamenti üç müxalifət deputatının – “Leyboristlər” partiyasının lideri Şalva Natelaşvili, “Droa” partiyasının lideri Elene Xoştariyanın və “Gürcüstan naminə Lelo” partiyasının lideri Badri Caparidzenin səlahiyyətlərinə vaxtından əvvəl xitam verilməsi barədə qərar qəbul edib.