Rusiya Ukrayna ərazisinə fevralın sonlarında hücum edəcək.

Axar.az xəbər verir ki, bu barədə Estoniya Xarici Kəşfiyyat Xidmətinin rəsmi hesabatında qeyd olunub.

“Qiymətləndirməmizə görə, Rusiya ordusu fevralın ikinci yarısından etibarən Ukraynaya qarşı genişmiqyaslı əməliyyata başlaya bilər. Hərbi hazırlıq başa çatdıqdan sonra əməliyyata başlamaq üçün yalnız siyasi qərar tələb olunacaq”, - hesabatda qeyd olunub.

Kəşfiyyat hücumun fevralın 16-da baş tutmamasına səbəb kimi isə Rusiya ordusunun hazır olmamasını göstərib.

Qeyd olunub ki, Rusiyanın öz ərazisindəki hərəkətləri nə NATO, nə də Baltikyanı ölkələri təhdid edir, lakin Qərb ölkələri istənilən halda Moskvanın qarşısını almalıdır.