Donbasda saxta təxliyə görüntülərini hazırlamaq üçün bir neçə min insan avtobuslarda aparılır, daha sonra geri qaytarılır.

Axar.az xəbər verir ki, bunu Ukrayna müdafiə naziri Aleksey Reznikov deyib.

“Əslində insanlar heç yerə getməyiblər, evlərini tərk etməyiblər. Bizdə olan məlumata görə, Donetskdəki bütün gecə klubları işləməyə davam edir. Yeganə olaraq insanları çaşdırmaq üçün hər 30 dəqiqədən bir sirenalar səsləndirilir”, - Reznikov bildirib.

Qeyd edək ki, Rusiya son 3 sutkada Donbasdan 55 min qaçqının Rusiyaya keçdiyini bildirib. Təxliyə edilənlərin sayının 500-700 min olacağı elan edilib.