Əsrlik qlobal idarəetmə sistemi dağılır. Biz respublikamızı qurmaqla, qayğısına qalmaqla bu çətin dönüşü keçərkən çox ağır bədəl ödədik.

Axar.az xəbər verir ki, bunu Türkiyə Prezidenti Rəcəb Tayyib Ərdoğan Rusiya-Ukrayna müharibəsi barədə danışarkən deyib.

“Dünyanın beşdən böyük olduğunu, daha ədalətli dünyanın mümkünlüyünü hər platformada dilə gətirdiyimiz qlobal idarəetmə sistemindəki boşluq hər hadisə ilə bir daha özünü göstərir”, - Ərdoğan qeyd edib.

Prezident Ərdoğan Rusiyanın Ukrayna əməliyyatının 5-ci günü ilə bağlı bunları deyib:

“Ukraynada baş verən proseslər bu həqiqəti ortaya qoyan bir xarakter təşkil edir. Öncə bu məqamın altını qalın xətlərlə cızıram: Türkiyə öz bölgəsində sülh, əmin-amanlıq və rifah istəyən bir ölkədir. Biz bu münasibəti hər yerdə, hər tədbirdə göstərmişik. Dost kimi gördüyümüz Ukrayna və Rusiyaya problemlərini dialoq yolu ilə həll etmək təklifi ilə çıxış etdik. Biz vasitəçilik üçün müraciət etdik”.