İŞİD-ə qarşı Əl-Qaidə terror qruplaşmasından istifadə oluna bilər.

Axar.az xarici mətbuata istinadən xəbər verir ki, bu barədə ABŞ Mərkəzi Kəşfiyyat Agentliyinin (MKİ) keçmiş rəhbəri, istefada olan ordu generalı Devid Petreus bildirib. O, İŞİD-ə qarşı Əl-Qaidə tərəfdarı sayılan Nusra Cəbhəsindən istifadə etməyə çağırıb.

Bildirilir ki, amerikalı generalın bu ideyası onun İraqdakı təcrübəsi ilə bağlıdır və o, vaxtilə bu ölkədə şəriət qaydalarından narazı olan sünni döyüşçülərdən Əl-Qaidəyə qarşı istifadə edib.

Qeyd edək ki, amerikalı siyasətçilər Petreusun İŞİD-ə qarşı Əl-Qaidənin Suriya qolundan istifadə planının mümkünsüz olduğunu bildirirlər. Onlar buna səbəb kimi Nusra Cəbhəsinin Ağ Ev tərəfindən rəsmən terror təşkilatı kimi tanınmasını və qruplaşmanın 11 Sentyabr hücumlarına görə məsuliyyət daşıyan Əl-Qaidənin bir hissəsi olmasını göstəriblər.