ABŞ İŞİD liderlərinin məhv edilməsi üçün Suriyada iki fərqli hərbi əməliyyat aparır.

Axar.az "Vaşinqton Post"a istinadən xəbər verir ki, Mərkəzi Kəşfiyyat İdarəsinin Terrorla Mübarizə Mərkəzi və ABŞ Xüsusi Əməliyyat Qüvvələri Suriya ərazisində, İŞİD-ə yaxın bölgələrdə İŞİD liderlərini aradan qaldırmaq üçün genişmiqyaslı məxfi əməliyyatlar aparır.

Xüsusi hərbi əməliyyatlarda dronlardan və pilotsuz təyyarələrdən geniş istifadə olunduğu məlumdur.

Xatırladaq ki, Usamə Bin Ladenin tapılmasında ABŞ Mərkəzi Kəşfiyyat İdarəsinin Terrorla Mübarizə Mərkəzinin müstəsna rolu olub.