Yaponiya Müdafiə Nazirliyi 2016-cı il üçün dövlət büdcəsindən rekord vəsait tələb edib.

Axar.az TASS-a istinadən xəbər verir ki, Müdafiə Nazirliyi önümüzdəki il üçün 42,38 milyard vəsait tələbi ilə çıxış edib. Bu isə ötən ilə nisbətən 2,2 faiz yüksək bir rəqəmdir.

Verilən məlumata görə, nazirlik sözügedən büdcədən təxminən 90 milyon dolları Yaponiyanın Miyako adasındakı hərbi bazasının gücləndirilməsinə, 1 milyard dolları isə ABŞ-dan alınması nəzərdə tutulan 12 ədəd Bell V-22 Osprey konvertoplanlarına (özündə həm təyyarənin, həm də vertolyotun xüsusiyyətlərini birləşdirən uçaq. – red.) ayrılacağını açıqlayıb.