Rusiyanın "Lukoil" neft şirkətinin prezidenti Vahid Ələkbərov öz yubileyini keçirmək üçün Çernoqoriyanın Sveti Stefan adasını icarəyə götürüb.

Axar.az xəbər verir ki, Ələkbərov qonaqları üçün park və iki çimərlik kirayələyib. Bu zaman azərbaycanlı milyarderin yeganə tələbi olub: bu ərazilərə yalnız ad gününə dəvət olunmuş qonaqlar daxil ola və əylənə bilər, kənar şəxslər ora buraxılmamalıdır.

Ad günü tədbirləri üçün xüsusi menyü hazırlanıb və adaya çox bahalı içkilər gətirilib.

Virtualaz.org-un məlumatına görə, adanın neçəyə icarə götürüldüyü açıqlanmır. Yalnız o məlumdur ki, adada dəbdəbəli ziyafət iki gün boyunca - sentyabrın 1-2-də davam edib.

Qeyd edək ki, "Forbes" jurnalının versiyasına görə, 65 yaşlı həmyerlimizin sərvəti 2015-ci ildə 12,2 milyard dollar təşkil edib.