NATO-nun Baş katibi Yens Stoltenberq Alyansın Şərqi Avropanın 6 ölkəsində yaradılan hərbi mərkəzlərinin açılışında iştirak edib.

Axar.az xəbər verir ki, Litvanın paytaxtı Vilnüsdə keçirilən açılış mərasimində danışan Stoltenberq Rusiyaya sərt mesajlar verib:

"Bizə meydan oxumaq istəyənlərə çox dəqiq mesajlar veririk. Gücümüzü inkişaf etdirmək üçün böyük bir addım atdıq. Bu mərkəzlər NATO-nun həmrəylik simvoludur. Hazırda müttəfiq ölkələrə qarşı bir təhdid görmürük. Baltik bölgəsində bir qədər qeyri-müəyyənlik var. Hər cür təhlükəyə və gözlənilməz vəziyyətlərə hazırıq. Bütün müttəfiqlərimizi sona qədər qoruyacağıq. Bunu hər kəs bilməlidir. Gücümüz birliyimizdədir".

Xatırladaq ki, yeni hərbi mərkəzlər Latviya, Litva, Estoniya, Polşa, Rumıniya və Bolqarıstanda qurulub.