Suriyalı qaçan ailələrin mindiyi gəminin batması nəticəsində boğulan 3 yaşlı Aylan Kurdi dəfn edilib.

Axar.az xəbər verir ki, Kurdi ilə birgə batan digər 12 nəfərin cəsədi Türkiyə üzərindən Suriyanın Kobani şəhərinə gətirilib və burada da torpağa tapşırılıb.

Qeyd edək ki, Suriyadakı daxili müharibə və İŞİD qətliamı Aylan və ailəsinin Kobanidən Avropaya sığınmaq üçün yola çıxmağa məcbur edib. Gəminin qəzaya uğraması nəticəsində 3 yaşlı Aylan və ondan bir yaş böyük qardaşı Qalib dənizdə batıb. Hər iki qardaşın cəsədini dalğalar Türkiyənin Bodrum sahillərində quruya çıxarıb. Bütün dünya bu dəhşətli faciədən danışır.