Rusiya Prezidenti Vladimir Putin, Almaniya kansleri Angela Merkel, Fransa Prezidenti Fransua Olland və Ukrayna Prezidenti Pyotr Poroşenko arasında sentyabrın 9-da baş tutan telefon danışığı zamanı görüşlə bağlı razılıq əldə edilib.

Axar.az xəbər verir ki, Kreml mətbuat xidmətindən yayılan açıqlamada "Normand dördlüyü"nün oktyabrın 2-də Parisdə görüşəcəyi vurğulanıb.

Məlumatda qeyd edilir ki, xarici siyasət idarəsinin rəhbərləri sentyabrın 12-də Berlində müzakirə aparacaqlar, oktyabrın 2-də isə Parisdə liderlərin görüşü baş tutacaq.

Xatırladaq ki, "Normand dördlüyü" Rusiya, Almaniya, Fransa və Ukrayna liderlərini əhatə edir və Ukraynanın şərqində baş verən hadisələrin sülhlə nizamlanması üçün danışıqlar formatıdır.