ABŞ-ın Milli Kosmos Agentliyinin (NASA) “Curiosity” kosmik aparatı tərəfindən Marsda çəkdiyi fotoda əks olunan qapıya bənzər boşluq müzakirə mövzusuna çevrilib.

Axar.az Teleqraf.com-a istinadən xəbər verir ki, “qapı”nın Marsda yadplanetlilər tərəfindən tikilən infrastruktura aid olduğu iddia edilib.

Keçidə açıldığı iddia edilən qapının Mars sakinlərinin yeraltı sığınacağına və ya başqa bir kainata açıldığı da iddialar arasındadır.

NASA-nın fotosundakı görüntüyə məntiqli yanaşanlar da var. Onların iddiasına görə, bu, qayalıqda parçalanma nəticəsində yaranmış boşluqdur, sadəcə qapıya bənzəyir. Bunun Marsda baş verən zəlzələ nəticəsində yarandığı da bildirilib.

Qapıya bənzəyən nəsnə təsəvvürlərimizdə canlı ölçüdə görünsə və ya şəklə baxaraq əmin olmaq çətin olsa da, görünən boşluğun real həyatda yalnız bir neçə santimetr ölçüsündə olması da mümkündür.