2022.05.17 - 21:52

Luqansk vilayətində rus ordusu Popasna yaxınlığında və Severodonetsk istiqamətində cəbhəni yarmağa çalışırlar.

Axar.az xəbər verir ki, bu barədə Luqansk vilayət hərbi administrasiyasının rəhbəri Sergey Qayday deyib.

Onun sözlərinə görə, bölgədən riskli evakuasiya davam edir.

“Ruslar Lisiçansk-Baxmut avtomobil yolunun yaxınlığında vaxtaşırı atəş açır və texnikanı çəkməyə davam edir. Xüsusilə, ələ keçirilən müxtəlif yaşayış məntəqələrində ruslar “Pantsir” zenit-raket və silah sistemləri quraşdırıblar”, - Qayday söyləyib.

Qeyd edək ki, bundan öncə rusiyalı analitik Kirill Mixaylov Rusiyanın Lisiçansk və Severodonetsk istiqamətində qüvvələr cəmləşdirdiyini bildirmişdi.