Rusiya müharibəni diplomatik danışıqlardan üstün tutdu.

Axar.az xəbər verir ki, bu sözləri Ukrayna xarici işlər naziri Dmitri Kuleba Rusiyanın danışıqlara hazır olması barədə açıqlamasına cavabında deyib.

Xarici işlər naziri danışıqların ən yüksək mərhələsi olan İstanbul görüşündən də danışıb:

“Hər həftə biz birbaşa əlaqənin olduğunu gördük: Rusiya döyüş meydanında nə qədər aqressivdirsə, danışıqlara bir o qədər az maraq göstərirdi”.

Xarici işlər naziri danışıqların bir matçla obrazlı müqayisəsini aparıb:

“Ukraynanın son günlər vurulan şəhərlərinə, Donbas uğrunda gedən döyüşlərə, Mariupol, Xersonu qazmaq cəhdlərinə baxsanız, görə bilərsiniz ki, Rusiya danışıqları yox, müharibəni seçib. Onlar danışıqlardan belə çıxdılar”.

Qeyd edək ki, Rusiya XİN rəhbərinin müavini Andrey Rudenko Ukraynanın danışıqlarda maraqlı olmadığını açıqlamışdı.