Rusiya komandanlığı Ukraynadakı müharibədə öz qoşunlarının itkilərini müxtəlif yollarla kompensasiya etməyə çalışır. O, gizli səfərbərlik aparır, işğal olunmuş ərazilərdə adam yığmağa çalışır və 36-cı Əlahiddə Ümumqoşun Ordudan ehtiyatlar hazırlayır.

Axar.az xəbər verir ki, bu barədə Ukrayna Silahlı Qüvvələri Baş Qərargahı məlumat yayıb.

“Rusiyanın işğalçı qoşunlarının komandanlığı Ukrayna ərazisində itirdiyi hərbi qulluqçuların əvəzlənməsi məqsədilə gizli səfərbərlik tədbirlərini davam etdirir. İşğalçılar tərəfindən işğal edilmiş Ukrayna ərazisində olan təcavüzkar şəxslərin silahlı qüvvələr sıralarına cəlb edilməsi istiqamətində işlər aparılır”, - Baş Qərargahın məlumatında qeyd olunub.