AB neft tədarükünə embarqo tətbiq etmək qərarına gəlsə, ortamüddətli perspektivdə Rusiya neftinə əvəz tapa bilməyəcək.

Axar.az xəbər verir ki, bunu “Lukoyl” şirkətinin keçmiş rəhbəri Vahid Ələkbərov “Faynənşl Tayms”a müsahibəsində deyib.

“Embarqo olarsa, Rusiya 2020-ci ildə pandemiyanın başlanğıcında olduğu kimi hasilatı azaltmalı, quyuları dondurmalı olacaq, çünki bütün Avropanın tələbatını bir gecədə başqa bazarlara yönləndirmək mümkün deyil”, - Ələkbərov bildirib.

Ələkbərovun sözlərinə görə, Rusiya neftinə embarqo hamı üçün şok və bütün tərəflər üçün ən pis ssenari olacaq:

“Hazırda Avropaya axan Rusiya neftinin yönləndirilməsi üçün yeni infrastrukturun qurulması illər çəkəcək”.