Rusiyanın “Aeroflot” şirkəti Qərbin sanksiyaları səbəbindən təyyarə hissələrinin ciddi çatışmazlığı ilə üzləşəcək.

Axar.az xəbər verir ki, bu barədə "Blumberq" məlumat yayıb.

Məlumata görə, Rusiya yaxın gələcəkdə “Boinq” və “Airbus” məhsullarını əvəz edə bilməyəcək:

"Ona görə də bəzi təyyarələrdən ehtiyat hissələri üçün istifadə etməli olacaq. Qərbin sanksiyaları səbəbindən “Aeroflot” xarici marşrut şəbəkəsini kəskin şəkildə azaldıb. Belə ki, fevralın 24-nə şirkət 56 ölkəyə, mayın ortalarında isə 13 ölkəyə uçuşlar həyata keçirib. Bundan əlavə, sərnişin axını da azalıb".

Qeyd olunur ki, yaxın gələcəkdə "Aeroflot" əsasən yerli hava yolu şirkəti olacaq.