Filippin Prezidenti Rodriqo Duterte Rusiya lideri Vladimir Putini Ukraynada günahsız dinc sakinləri qətlə yetirdiyinə görə kəskin tənqid edib.

Axar.az xəbər verir ki, bu barədə “Assoşeyted Press” məlumat yayıb.

Duterte deyib ki, həm ona, həm də Putinə qatil deyirlər, lakin onlar arasında fərq var:

“Mən cinayətkarları öldürürəm, uşaqları və qocaları yox”.

O, Rusiya prezidentini işğala görə qınamadığını, lakin Putinin istifadə etdiyi xüsusi əməliyyat ifadəsilə razılaşmadığını vurğulayıb:

“Əslində bu, suveren dövlətə qarşı genişmiqyaslı müharibədir. Mən Rusiyanı yaşayış məntəqələrini atəşə tutmağı dayandırmağa və ilk növbədə günahsız mülki şəxslərin təhlükəsiz şəkildə təxliyəsinə imkan verməyə çağırıram”.

Qeyd edək ki, Putini açıq şəkildə kumir və dost adlandıran Duterte Rusiyanın Ukraynaya təcavüzünü ilk dəfə pisləyib.