Yaponiyanın F-15 qırıcısı Rusiyanın Asiya-Sakit okean regionunda və PLA Hərbi Hava Qüvvələrinin birgə hava patrullarında iştirak edən Tu-95MS strateji raketdaşıyıcısına yaxınlaşıb.

Axar.az xəbər verir ki, bu barədə Rusiya Müdafiə Nazirliyi məlumat yayıb.

Tu-95MS-lərdən birinin qeydlərindən götürülən kadrlarda F-15 qırıcılarından birinin rus “strateq”i ilə bir neçə onmetrlik məsafəyə qədər yaxınlaşması əks olunub. Yapon qırıcısı sol qanad konsolundan Rusiya Aerokosmik Qüvvələrinin təyyarəsinə yaxınlaşıb. Daha sonra Tu-95-in sağ tərəfində uçub.