01:39

Cənubi Koreya ordusu Şimali Koreyanın çərşənbə günü səhər tezdən üç ballistik raket atdığını açıqlayıb.

Axar.az xəbər verir ki, bu barədə Seul rəsmiləri bildirib.

Raket sınağı ABŞ Prezidenti Co Bayden regiona səfərinin dərhal ardından keçirilib. Bayden bu səfər zamanı Şimali Koreyanın qarşısını almaq üçün tədbirlərin gücləndirəcəyinə söz vermişdi.

Yaponiya isə ən azı iki raket sınağını təsdiqləyib. Yaponiyanın müdafiə naziri Nobuo Kişi bildirib ki, ilk raket təxminən 300 km, digər raket isə 750 km məsafə qət edib.