2022.06.22 - 16:20

Türkiyənin Muğla vilayətinin Marmaris rayonunda meşəlik ərazidə baş verən yanğına havadan və qurudan müdaxilə davam edir.

Axar.az xəbər verir ki, Türkiyə Prezidenti Rəcəb Tayyib Ərdoğan helikopterlə yanğın baş verən əraziyə baxış keçirib.

Yanğın bu gün səhər saatlarında qismən nəzarət altına alınsa da, günortadan sonra küləyin sürətinin artması alovu daha da gücləndirib.

Daxili işlər naziri Süleyman Soylu yanğının təxribat nəticəsində baş verib-vermədiyinin araşdırıldığını bildirib, prokurorluq isə araşdırmaya başlanıldığını açıqlayıb.