Rusiya ilə Ukrayna müharibəsi üç əsas ssenari ilə yekunlaşa bilər. Birinci ssenari bütün Donbasın düşmən tərəfindən işğalıdır. Rusiya ordusu bütün səylərini bölgəni ələ keçirmək üçün cəmləyib.

Axar.az xəbər verir ki, bu barədə Ukrayna Silahlı Qüvvələri Baş Qərargah rəisinin keçmiş müavini, general-leytenant İqor Romanenko deyib.

“İkinci ssenari Luqansk vilayətinin, sonra Donetskin tam ələ keçirilməsidir. Düşmən bahalı güc texnikasından istifadə edir, döyüşü dayandırmır. Rusiya təxminən 17 milyon, biz isə 2 milyon insanı səfərbər edə bilərik. Fərq var. Bəli, belə bir təhlükə də mövcuddur. Amma hər şey bizə ağır silahlarla nə qədər tez və kütləvi şəkildə veriləcəyindən asılıdır. Və o vaxta qədər Ukrayna ordusu mövcud qüvvələrlə özünü müdafiə etməlidir. Düşmən hələ də Severodonetski tuta bilmir, Lisiçansk da var, baxmayaraq ki, İzyumdan asimmetrik zərbə endirir”, - o bildirib.

Onun fikrincə, üçüncü varianta əsasən, Rusiya hərbi məqsədlərini yenidən nəzərdən keçirə və “qələbə” elan edə bilər:

“Bizə yetərincə və çoxlu kömək versələr, hərbi potensialımız Rusiyanı üstələyər. Düşməni ağır şəkildə vurmağa başlayarıq. Bu halda onlar bizimlə razılaşacaqlar”.