11:00

Bu gün səhər saatlarında Rusiya Kiyevin mərkəzinə raket zərbələri endirib.

Axar.az xəbər verir ki, Kiyevin Şevçenko rayonuna bir neçə raketin düşməsi nəticəsində dağıntılar qeydə alınıb.

Məlumata görə, iki bina dağılıb, raketin düşdüyü binaların birində isə yanğın baş verib.

Kiyev meri Vitali Kliçkonun sözlərinə görə, iki nəfər xəstəxanaya yerləşdirilib.

“Dağıntılar altında qalanlar var. Xilasetmə işləri davam edir. Ümid edirik ki, onlar sağdır”, - Kliçko bildirib.

***

Rusiya Silahlı Qüvvələrinin Şevçenko rayonunda yaşayış binasına raket zərbəsi nəticəsində 6 nəfər yaralanıb, bir nəfər isə həlak olub.

Bu barədə şəhər meri Vitali Kliçko məlumat verib.