Mən yaxın günlərdə yenidən Moskvaya səfər edəcəyəm.

Axar.az xəbər verir ki, bunu Rusiya mətbuatına müsahibəsində Gürcüstanın eks-spikeri Nino Burcanadze söyləyib. Onun sözlərinə görə, Rusiyaya edəcəyi səfərlər bundan sonra daha da artacaq:

"Bu səfərlər 2016-cı il Gürcüstanda keçirilən parlament seçkisinə qədər və ondan sonra da çoxalacaq. Bizim siyasətçilərin işləməli olduğu istiqamətlərdən biri Rusiyadır. Burada daha çox problemimiz mövcuddur. Əgər mən hakimiyyətə gəlsəm, Gürcüstan üçün həyati əhəmiyyətli Gürcüstan-Rusiya münasibətlərinin həllinə başlayacam. Təəssüf ki, Tiflis Rusiya ilə danışıqlara başlamaq istəmir. Mən Moskvadan qayıtdıqdan sonra onlar hələ də mənimlə görüşmürlər. Onlara Rusiyanın danışıqlara başlamağa hazır olmasıyla bağlı informasiya verəcəkdim".

Qeyd edək ki, Burcanadze iyul ayında Moskvaya səfər etmiş, Rusiya Prezidenti Vladimir Putinlə görüşmüşdü. Burcanadze həmin səfəri zamanı Krımın Rusiya torpaqları olduğunu bəyan etmişdi.