Yaponiyada “Aomori Heartbeat” albalısının biri hərracda 40 000 yen - təxminən 296 dollara satılıb.

Axar.az Report-a istinadən xəbər verir ki, üç il əvvəl Aomori prefekturasından olan istehsalçılar öz yetişdirdikləri albalıların “Aomori Heartbeat” adlı yeni növünü fəal şəkildə bazara çıxarmağa başlayıblar.

Cari ilin ilk hərracında bu sortdan bir giləmeyvə üçün qiymət rekord həddə çatıb. 15 giləmeyvədən ibarət qutu 600 000 yen (4 400 ABŞ dolları), bir giləmeyvə isə 40 000 yenə (təxminən 296 dollar) satılıb ki, bu da ötən illə müqayisədə 25% çoxdur. Ümumilikdə bu sortdan 11 qutu satılıb.

Bildirilib ki, yeni sortun diametri 2-2,5 santimetrdir və onlar açıq qırmızı rəngi, parlaqlığı və zəngin dad balansı ilə seçilir.