Rusiya ətrafında bütün bu vəziyyət ABŞ tərəfindən hazırlanıb. Moskva məhz ABŞ-a qarşı çıxmaq barədə düşünməlidir. Çünki bu gün Moskvanın əleyhinə olan bütün digər ölkələr Ağ Evin dediyi ilə oturub-durur.

Axar.az xəbər verir ki, bu fikirləri Rusiya Silahlı Qüvvələrinin ehtiyatda olan generalı, Dövlət Dumasının deputatı Andrey Qurulev bölüşüb.

Onun sözlərinə əsasən, rus hipersəs silahları “prosseslərə” qoşulmalıdır:

“Bizim bu raketlərinin sürəti səs sürətini bir neçə dəfə üstələyir. Belə yüksək sürət raketlərin vurulmasını son dərəcə çətin edir və üstəlik, rəqibin qərar qəbuletmə vaxtını xeyli azaldır.

Biz gəmilərdə və sualtı qayıqlarda belə raketlərə malik olmalıyıq, onları həm də ABŞ-ın sərhədləri yaxınlığında yerləşdirməliyik. Məhz bu raketlər maksimum beş dəqiqəyə Birləşmiş Ştatların ərazisində müəyyən nöqtələrə çata biləcək. Bu baş verdikdən sonra Baydenin dili topuq vurmağa başlayacaq. Yalnız bu halda biz Ukraynada əməliyyatı başa çatdıra biləcəyik”, - deyə general qeyd edib.