Dünya şöhrətli müğənni Şakira UNİCEF tərəfindən BMT-də təşkil edilən "uşaqların inkişafı və təhsili" mövzulu yığıncaqda iştirak edərək jurnalistlərin suallarına cavab verib.

Axar.az xəbər verir ki, Şakira Suriyadakı müharibədən qaçan miqrant uşaqların vəziyyətindən bəhs edərək 2 yaşlı Aylan Kürdinin Egey sahilinə çıxan cəsədinin çox faciəli görüntü olduğunu söyləyib.

Bu fotoda əks olunan faciənin unudulmamalı olduğunu yazan Şakira miqrant probleminin həll olunacağına ümid etdiyini bildirib:

"Müharibələrin əvəzini uşaqlar ödəməməlidir. Hamımızın uşaqlar qarşısında məsuliyyətimiz var. Nə liderlər, nə də vətəndaş cəmiyyəti olaraq bizlər bundan qaça bilərik. Gördüyüm qədəri ilə irqçilik önəmli problemdir. Hər ölkənin öz iqtisadi problemləri ola bilər, ancaq insan ehtiyac və haqlarının, sərhədlər, bayraqlar, irqçilik və eqoizmdən üstün tutulacağına ümid edirəm. Ölkələrin və liderlərin toplanaraq həlak olan Aylan Kürdi və Qalib Kürdi adına problemə məntiqli həll yolu tapacaqlarına inanıram".

Tədbirin sonunda Şakira suriyalı uşaqlar üçün Con Lenonun "İmagine" (Təsəvvür et) mahnısını səsləndirib.