Ukraynanın hazırda o qədər silahı yoxdur ki, o, əks-hücumlara keçsin və zəbt edilmiş Xerson vilayətini öz nəzarətinə qaytarsın.

Axar.az xəbər verir ki, bu barədə Ukraynanın hərbi eksperti İqor Koziy Lvov telekanalının efirində bildirib.

“Zmeyni adası əməliyyatı zamanı biz artıq gördük ki, bu tip əks-hücumlar nə ilə nəticələnir. Biz bu əməliyyat zamanı xeyli sayda hərbi texnika itirdik. Hələ düşünün ki, Zmeyni adası balaca bir yerdir. Görün indi onlarla kilometr ərazisi olan Xerson vilayətini qaytarmaq nə deməkdir. Hazırki vəziyyəydə Xersonu qaytarmaq bizim üçün real deyil”, – deyə Koziy bildirib.