Rusiya Xarici İşlər naziri Sergey Lavrov Nyu Yorkda BMT Baş Assambleyası çərçivəsində ABŞ Dövlət katibi Con Kerri ilə görüşüb.

Axar.az xəbər verir ki, nazir Rusiya ilə ABŞ-ın İŞİD-ə qarşı mübarizə sahəsində mövqelərinin yaxın olduğunu deyib:

"Fikirlərimiz olduqca yaxındır. Kerri ABŞ-ın və ABŞ tərəfindən qurulan beynəlxalq koalisiyanın məqsədinin İŞİD ilə mübarizə olduğunu təsdiq etdi. Biz də eyni məqsədi daşıyırıq. Bütün fəaliyyətlər BMT nizamnaməsi çərçivəsində, BMT Təhlükəsizlik Şurasının dəstəyi ilə icra edilməlidir. Ancaq ABŞ koalisiya üçün BMT Təhlükəsizlik Şurasının təsdiqinin vacib olduğunu düşünmür. Biz isə bunun beynəlxalq hüquqa qətiliklə zidd olduğunu düşünürük".

Sergey Lavrov Moskva və Vaşinqtonun birlikdə çalışmaqda maraqlı olduğunu deyib:

"İkitərəfli əlaqələr həm diplomatik təşkilatlar, həm də hərbi orqanlar arasında mövcuddur. Aktual problemlərin peşəkarlar tərəfindən daha tez və nizamlı müzakirəsi, hamımızın qarşısında duran problemlərin həllini asanlaşdıracaq".