Ukrayna Prezidenti Pyotr Poroşenkonun BMT Baş Assambleyasında çıxışı zamanı Rusiyanın nümayəndə heyəti zalı tərk edib.

Axar.az TASS-a istinadən xəbər verir ki, Poroşenkonun BMT BA-da çıxışı zamanı Rusiyanın Assambleyadakı nümayəndə heyəti etiraz əlaməti olaraq zaldan çıxıb.

Tədbir sonrası mətbuata açıqlama verən nümayəndəlik bu addımını Poroşenkonun aqressiv çıxışına etiraz adlandırıb.

Əldə olunan məlumata görə, çıxışın sonuna qədər zalda bir rus diplomat qalıb. Buna aydınlıq gətirərkən nümayəndəlik deyib:

"Rusiya diplomatiyası öz rəqibini dinləməyi və diqqətdən kənarda buraxmamağı bacarır. Zalda qalan diplomat bu funksiyanı yerinə yetirdi".