Amerika Kosmos və Aviasiya İdarəsi (NASA) Marsda donmuş sudan başqa həm də yaz aylarında müşahidə olunan duzlu su axınları tapdığını açıqlayıb.

Axar.az BBC-ə istinadən xəbər verir ki, Mars Orbit Kəşfiyyatçı (MRO) peyki tərəfindən əldə edilən fotolarda maye su axınına aid izlər aşkar edilib.

Verilən açıqlamaya görə, qütb və ekvatordaxili sadəcə buzlaqlarla örtülü olduğu zənn edilən planetdə maye halında suyun varlığı üzə çıxıb. Bu isə oradakı yaşam ehtimalını daha da gücləndirib.

Qeyd edək ki, mütəxəssislər müşahidələrin nəticəsi olaraq Marsdakı suyun yalnız donmuş halda deyil, maye halında olduğunu uzun müddət əvvəl iddia edib.

"Kuriosti" kosmos vasitəsi də bu yaxınlarda Mars səthində maye əmələ gəlməsi ilə bağlı sübutlar ortaya qoymuşdu. Astronomlar Marsda mikrobioloji canlıların olduğundan artıq əmindir.