Rusiyanın Ukraynaya qarşı başlatdığı müharibənin qaynar mərhələsi bu ilin sonuna qədər başa çata bilər.

Axar.az xəbər verir ki, bu sözləri ukraynalı general-mayor Dmitri Marçenko deyib.

“Mən çox nadir hallarda proqnoz verməyi öhdəmə götürürəm. Və deyə bilərəm ki, müharibənin bu mərhələsini nə onlar, nə də biz uzun müddət apara biləcəyik. Mütləqdir ki, bu faza ilin sonuna kimi başa çatsın”, - o bildirib.

Marçenkonun sözlərinə görə, işğal edilmiş ərazilərin geri qaytarılması bir neçə amildən, xüsusilə də Qərb silahlarının tədarükündən asılıdır:

"Onlar da qorxurlar, müqavimət göstərmək lazımdır. Onları torpağımızdan qovacağıq, biz heç kimdən qorxmuruq və heç kimi bura buraxmayacağıq".