17:32

Krımın Novofedorovka rayonundakı aerodromda partlayış baş verib.

Axar.az xəbər verir ki, bu barədə Novofedorivka kənd icmasının rəhbəri Sergey Rossolovski məlumat verib.

“Aerodrom ərazisində partlayış səsləri eidilib. Məlumatlar dəqiqləşdirilir”, - Rossolovski bildirib.

***

Rusiya Teleqram kanallarının məlumatına görə, aerodrom darmadağın edilib.

Partlayış baş verən əraziyə çoxlu sayda təcili tibbi yardım maşını yollanıb.

Aerodromda 10-dan çox partlayışın olduğu bildirilir. Partlayışın dalğası o qədər güclü olub ki, Novofedorivkadan 20 km aralıda yerləşən yaşayış evlərinin pəncərələri silkələnib, avtomobillərin siqnalizasiyası işə düşüb.

***

Aerodromda baş verən partlayış nəticəsində bir nəfər ölüb.

***

Krımda rusların hərbi aerodromuna 6 raket zərbəsi endirilib.

Bu barədə "Azadlıq" radiosu məlumat yayıb.

Məlumata görə, orada 43-cu aviasiya qırıcı alayı yerləsirmiş. Novofedorivka qəsəbəsində yerləşən və əsasən Su-30, Su-33 və Su-24М bombardmançı təyyarələrlə təhciz olunmuş alay Nikolayev və Odessa üçün təhlükə mənbəyi sayılırdı. 20-yə yaxın təyyarənin sıradan çıxarıldığı bildirilir.