2022.08.12. 21:57

Monteneqronun Çetinye şəhərində naməlum şəxsin ətrafdakı insanlara açdığı atəş nəticəsində 11 nəfər ölüb, daha altı nəfər yaralanıb.

Axar.az xəbər verir ki, bu barədə yerli media məlumat yayıb.

Qeyd olunub ki, 34 yaşlı cinayətkar şəhərin küçələri ilə gedərək yoldan keçənləri güllələyib və yaralıların yanına təcili yardımı buraxmayıb. Bir polis başından yaralanıb.

Məlumata görə, atəş açan şəxs polis tərəfindən öldürülüb.

***

Monteneqroda Çetinye yaxınlığındakı Medovina rayon sakini, 34 yaşlı Vuk Boriloviç əvvəlcə evində kirayə qalan ailəni, sonra isə yoldan keçənləri güllələyib.

Bu barədə Monteneqro Polis Departamenti məlumat yayıb.

Bildirilib ki, Boriloviç əvvəlcə evində kirayə qalan qohumlarını güllələyib:

“O, 8 və 11 yaşlı iki uşağı ov tüfəngi ilə qətlə yetirib. Uşaqların yaralanan anası xəstəxanada ölüb”.