Rusiya Təhlükəsizlik Şurası sədrinin müavini Dmitri Medvedyev dünən Ukraynanın işğal olunmuş ərazilərinə səfər edib.

Axar.az xəbər verir ki, bu barədə o, jurnalist Nadana Fridrixsona açıqlamasında bildirib.

D.Medvedyev deyib ki, o, Luqanska “luqansk və donetsk xalq respublikaları”nın və “işğaldan azad edilmiş digər ərazilərin” sakinlərinin müdafiəsinin yaxşılaşdırılmasını müzakirə etmək məqsədilə səfər edib.

O əlavə edib ki, hərbi əməliyyatlar zonasında olmaq onun üçün qorxulu deyil: “Qoy bizdən qorxsunlar”.

“Lxr”ə səfəri zamanı Medvedyev separatçıların rəhbəri Leonid Paseçnik və “dxr” rəhbəri Denis Puşilinlə görüşüb. O, Donbas sakinlərinin təhlükəsizliyinin təmin edilməsi üzrə prioritet tədbirlərə dair iclas keçirib.