Rusiya “terrorizmin sponsoru olan ölkə” kimi tanınacağı təqdirdə Vaşinqtonu ölkələrarası diplomatik münasibətləri kəsməklə hədələyib.

Axar.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Aleksandr Darçiyev danışıb.

"Əgər sözügedən təşəbbüs həyata keçirilərsə, onda bu, Vaşinqtonla ikitərəfli diplomatik münasibətlərə geri dönüşü olmayan ciddi ziyan vuracaq”, - diplomat bildirib.

Qeyd edək ki, hazırda terrorizmin sponsorları olan ölkələr siyahısına İran, Şimali Koreya, Kuba və Suriya daxil edilib.